Me 140 vota “për” Kuvendi i Bullgarisë e ratifikoi protokollin për anëtarësimin e Maqedonisë së Veriut në NATO.
“Për” votuan nga GERB, Patriotët e Bashkuar, DPS, Vullneti i deputetëve të pavarur. Ratifikimi kaloi pa praninë e të majtëve në seancën plenare.
Protokolli për anëtarësimin në NATO u nënshkrua në Bruksel, pas zgjidhjes së kontestit me Greqinë për emrin.
Pasi të gjitha vendet anëtare të NATO-s ta ratifikojnë protokollin për anëtarësim, Maqedonia e Veriut do të bëhet anëtarja e 30-të e plotë e NATO-s.
Rafitikimi i protokollit më herët është bërë edhe nga Greqia, Sllovenia dhe Shqipëria./Telegrafi/