Gigi Buffon nuk dëshiron ta konfirmojë pensionimin e tij, por thotë se si fëmijë do të pranonte që t’i jepte fund karrierës në Ligën e Kampionëve në një stadiumi si Santiago Bernabeu.
Ndeshja e dytë çerekfinale mes Real Madridit dhe Juventusit fillon në ora 20:45 pasi e para e zhvilluar në Torino u mbyll 3-0 në të mirë të madrilenëve.
“Është një test jashtëzakonisht i komplikuar, por gjithnjë e kemi provuar pamundësinë”.
“Nesër duam ta zhvillojmë një ndeshje si Juventus, duke kërkuar rezultatin më të mirë të mundshëm”.
“Ne duam të shohim nëse ka vërtet hendek të madh mes nesh dhe atyre, prandaj do të luftojmë deri në fund në Madrid”.
“Nuk e di nëse do të jetë ndeshja ime e fundit në këtë turne, por si fëmijë do të pranoja t’i jepja fund karrierës në Ligës së Kampionëve në një stadium si Bernabeu”, ka thënë ai.
Buffon pritet që ta ruajë portën nga minuta e parë. /Telegrafi/