Mesfushori portugez, Bruno Fernandes do të bëhet njëri nga fituesit më të mëdhenj te Manchester Unitedi me kontratë të re, por paga e tij e re do të mbetet ende shumë prapa asaj të yllit të skuadrës, Cristiano Ronaldo.
Sipas mediumit The Mirror, Bruno Fernandes do të nënshkruajë një kontratë të re pesëvjeçare me Manchester Unitedin.
Organizatorit portugez pritet t’i dyfishohet paga e tij në rreth 240 mijë funte apo 287 mijë euro në javë me marrëveshjen e re, e cila do ta mbajë atë në United deri në vitin 2027.
Kjo do ta vendosë yllin portugez në mesin e fituesve më të mëdhenj të Unitedit, edhe pse ende prapa David de Geas, i cili fiton 450 mijë euro në javë dhe Ronaldo që fiton rreth 540 mijë euro në javë.
Bruno Fernandes is on the verge of signing a new five-year contract with Manchester United on hugely-improved terms 📝
— Sky Sports News (@SkySportsNews) March 25, 2022
Bisedimet mes Unitedit dhe përfaqësuesve të Fernandes kanë vazhduar vitin e kaluar, por pas një përparimi brenda javës së kaluar, të dyja palët janë vendosur të angazhohen për një marrëveshje të re.
27-vjeçariu iu bashkua Unitedit nga Sporting i Lisbonës për 47 milionë funte në janar të 2020 në një marrëveshje pesëvjeçare e gjysmë me vlerë 100 mijë funtesh në javë dhe u bë shpejt njëri nga lojtarët kryesorë të klubit.
Sezonin e kaluar ai shënoi 28 gola dhe dhuroi 17 asistime në 58 ndeshje të gjitha garat për Unitedit, ndërsa forma e tij ka rënë paksa këtë sezon, pasi mbetet golashënuesi i dytë më i mirë i klubit pas Ronaldos.
Këtë sezon, në 37 ndeshje deri tani, Fernandes ka shënuar nëntë gola dhe ka dhuruar 14 asistime. /Telegrafi/