Telegrafi

Britanikët që duan t’i bashkohen BE-së në nivelet më të larta që nga viti 2016

Shtatë vjet pas referendumit të BREXIT, përqindja e britanikëve që duan të ribashkohen me Bashkimin Evropian është ngjitur në nivelet më të larta që nga viti 2016, sipas një sondazhi të ri.

Si britanikët ashtu edhe evropianët mendojnë gjithashtu se kthimi i Mbretërisë së Bashkuar në BE po bëhet më i mundshëm, ndërsa britanikët e anketuar janë më optimistë për të ardhmen e bllokut – në masën që i besojnë Komisionit Evropian më shumë sesa qeverisë së tyre.

Të dhënat e sondazhit të fundit i gjurmuesit të BREXIT të YouGov zbuluan se, duke përjashtuar ata që thanë se nuk do të votonin ose nuk e dinin, 58.2 për qind e njerëzve në Britani tani do të votonin për t’u ribashkuar, raporton theguardian.

Përqindja është pjesërisht më e ulët se sa ishte në muajin shkurt të këtij viti prej nga 60 për qind – shifra më e lartë që nga fillimi i të dhënave të krahasueshme në shkurt të vitit 2012 – dhe është rritur pak a shumë në mënyrë të vazhdueshme që nga niveli i ulët pas referendumit prej 47 për qind në fillim të vitit 2021.

Sondazhi zbuloi gjithashtu se evropianët kanë shumë më pak gjasa të mendojnë se vendet e tjera do të ndiqnin shembullin e Britanisë. Të pyetur nëse do të votonin për të mbetur në BE apo do të largoheshin në një referendum të stilit të BREXIT, 62 për qind e të anketuarve në Francë dhe 63 për qind në Itali, të cilat tradicionalisht janë ndër vendet anëtare më pak entuziaste të BE-së, thanë se do të votonin për të qëndruar.

Diku tjetër në BE, 87 për qind e të anketuarve në Spanjë thanë muajin e kaluar se do të zgjidhnin të qëndronin, së bashku me 79 për qind në Danimarkë, 70 për qind në Suedi dhe 69 për qind në Gjermani. /Telegrafi/