Kanë kaluar gati 20 vjet që kur një ekip tjetër përveç Real Madridit, Barcelonës apo Atletico Madridit fitoi La Ligën.
Tre gjigantët kanë dominuar futbollin spanjoll që nga triumfi i Valencias në ligë në sezonin 2003/04.
Atletico ka dy tituj në emër të tyre, me Real Madridin që ka fituar gjashtë dhe Barcelonën 11.
Por, dominimi i tyre në La Liga mund të marrë fund. Kjo për shkak se ka një klub të ri në krye të tabelës këtë sezon.
Girona ka fituar nëntë nga 11 ndeshjet e tyre deri më tani, duke humbur vetëm një herë nga Real Madridi.
Klubi është në pronësi të City Football Group, i cili përfshin fituesin e tripletës Manchester City në listën e tyre prej 12 skuadrash.
Madje ata drejtohen nga vëllai i trajnerit Pep Guardiola, Pere. Girona po i mposht rivalët e tyre këtë sezon, pavarësisht se u promovuan në La Liga vitin e kaluar.
Trajneri Michel, një ish-mesfushor i Rayo Vallecano dhe Spanjës U20, ka bërë mrekulli që nga emërimi i tij në vitin 2021.
Pasi udhëhoqi Vallecanon dhe Huesca nga niveli i dytë, ai udhëhoqi Girona drejt ngjitjes në elitën e futbollit spanjoll.
Girona ka shijuar sukses pas suksesi, duke përfunduar sezonin e kaluar në vendin e dhjetë, përpara emrave të mëdhenj si Sevilla dhe Valencia.
Por, është ky sezon që ka fituar vëmendjen e tifozëve dhe ekspertëve. Girona, e cila luan në Estadi Montilivi me 14,000 ulëse, është në krye të La Ligas dhe dy pikë më shumë se kundërshtari më i afërt Real Madridi.
Ata kanë shënuar më shumë gola se kushdo tjetër këtë sezon, duke e goditur rrjetën 31 herë.
Dhe ata kanë gjithashtu mbrojtjen e pestë më të mirë pasi pësuan vetëm 16 gola.
Ish-mbrojtësi i Manchester United, Daley Blind aktualisht po luan për skuadrën spanjolle.
Megjithatë, ajo që e bën situatën e tyre edhe më mbresëlënës është fakti që ata stërviten në një fushë golfi të marrë me qira.
Girona ka marrë me qira dy fusha për ekipin e saj të parë në kompleksin sportiv La Vinya, në pronësi të PGA Golf de Caldas, me skuadrat e tjera që stërviten në Palau Toëers aty pranë.
Marrëveshja e çuditshme është e qartë se nuk ka pasur një efekt negativ te lojtarët dhe stafin drejtues të Gironas.
Dhe gjërat mund të bëhen edhe më mirë për klubin pasi të ketë përfunduar puna në një mega terren të ri stërvitor.
Kompleksi 25 milionë euro në Vilablareix do të jetë mikpritës i të gjitha skuadrave të Gironas, duke përfshirë ekipet e para të meshkujve dhe femrave plus akademinë.
Pasi të përfundojë, do të ketë shtatë fusha me bari natyral dhe shtatë fusha të tjera me bari artificial. /Telegrafi/