“Heshja është flori” përveç nëse e gjeni veten në dhomën më të qetë në botë.
Në vitin 2015, Microsoft ndërtoi atë që tani libri i rekordeve Guiness e ka cilësuar si vendin më të qetë në planetin tonë.
E njohur si dhoma anekoike në selinë e kompanisë në Redmond, Uashington, “testet ultra të ndjeshme” të kryera në vitin 2015, dhanë një lexim mesatar të zhurmës së sfondit prej -20,35 dBA (decibelët e ponderuar A – një matje e nivelit të presionit të zërit).
Vetëm shumë pak njerëz kanë qenë në gjendje të përballojnë qëndrimin në dhomë për një periudhë të gjatë kohore – më së shumti një orë, transmeton Telegrafi.
Pas disa minutash, ata që janë futur kanë filluar t’i dëgjojnë rrahjet e zemrës së tyre. Disa minuta pas kësaj, dëgjuan edhe ‘bluarjen e kockave dhe gjakun duke rrjedh nëpër trup’.
Qëllimi i dhomës anekoike nuk është se duhet të dëgjoni ndonjë gjë, por se ajo do të heqë të gjitha zhurmat e tjera të jashtme dhe do t’ju lejojë të dëgjoni tingujt e pafund të trupit tuaj. Vetëm në vdekje trupi është plotësisht i heshtur. /Telegrafi/
