Mbrojtësi i ri i Juventusit, Gleison Bremer, ka folur për ndryshimin e skuadrës në këtë verë, duke iu bërë thirrje tifozëve të Torinos që të kuptojnë motivimin e transferimit të tij te rivalët e tyre.
Qendërmbrojtësi brazilian 25-vjeçar shpërtheu në sezonin e kaluar me Granatat, duke u dëshmuar si një nga mbrojtësit më të mirë në Serie A. Bremer falënderoi Torinon për kohën që kaloi në klub për katër vite.
“Dua të falënderoj të gjithë klubin e Torinos, kam kaluar katër vite të mira atje. Falënderoj të gjithë bashkëlojtarët e mi”, ka thënë ai.
Ai komentoi përshtypjet e tij fillestare për Massimiliano Allegri dhe Juventus.
“Mirë, Juventusi është një klub që gjithmonë dëshiron të fitojë. Kam biseduar pak me trajnerin, ai është një person ambicioz. Unë po shkoj mirë me të menjëherë”, deklaroi ai.
Qendërmbrojtësi brazilian foli për përshtatjen e tij nga një mbrojtës që luante me tre, në një mbrojtje me katër lojtarë.
“Është pak më ndryshe, mbrojtja me tre në katër lojtarë, por kur një lojtar është i fortë, ai duhet të përshtatet me gjithçka. Kam biseduar pak edhe me Chiellinin për këtë, duhet të përshtatem sa më shpejt”.
Ai ishte i paqartë kur u pyet nëse ishte afër bashkimit me ndonjë klub tjetër, ndërsa iu dërgoi edhe një mesazh tifozëve të Torinos.
“Kam folur vetëm me agjentin tim. Juventusi është skuadra që ka fituar më shumë vitet e fundit, ata kanë qenë të mirët”.
“Tifozët e Torinos e morën keq. Por i pyes fansat e Toros nëse nuk do të shpresonin për diçka më të mirë për fëmijët e tyre”.
“E bëra për shkak të kësaj. Ne e dimë se si janë tifozët. Kjo është puna ime, kurrë nuk kam thënë se nuk do të shkoj në Juventus”, ka thënë Bremer.
25-vjeçari preku disa biseda që ka pasur me Giorgio Chiellini, por edhe me Danilon dhe Alex Sandron.
“Edhe dy vjet më parë fola me Chiellinin kur isha afër largimit nga Toro, por jo për Juventusin. Ai është një idhull për mua”.
“Unë fola me të, më tha ta merrja me qetësi. E pyeta nëse mund të merrja fanellën me numrin tre dhe ai tha se nuk kishte asnjë problem”.
“Juventusi ka lojtarë brazilianë. dhe ata do të më ndihmojnë të shkoj në ekipin kombëtar.
“Kam biseduar me Danilon, Alex Sandro, por nuk do të jetë e lehtë të futesh në kombëtare sepse ka lojtarë të fortë. Unë tashmë e ngrita nivelin tim vitin e kaluar”, përfundoi mbrojtësi brazilian. /Telegrafi/