David Bowie kishte mësuar se vuante nga faza terminale e kancerit vetëm tre muaj para se të vdiste – bëhet e ditur në një dokumentar të BBC.
Filmi dokumentar, “David Bowie: The Last Five Years”, tregon se këngëtari e kishte ndërprerë mjekimin, në mënyrë që të bënte realizimin e fundit muzikor, “Lazarus”.
Në dokumentarin e BBC flitet për pesë vitet e fundit të legjendës angleze të muzikës, ku janë përfshirë xhirime të papublikuara më herët por edhe pjesë nga arkivi – njofton Telegrafi.
“Krejt vonë e kam kuptuar se sëmundja e tij kishte fituar”, ka thënë Johan Renck, regjisori i klipit Lazarus”.
Ai ka sqaruar se pjesa e videos muzikore, ku Bowie shfaqet i shtrirë në krevat me sy të lidhur, nuk ka të bëjë me sëmundjen e tij.
Producenti shumëvjeçar i Bowiet, Tony Visconti, ka thënë se artisti ishte në kulmin e karrierës kur e kishte xhiruar albumin e fundit, “Blackstar”, i cili u lansua më 8 janar 2016 në mënyrë që të përputhej me ditëlindjen e tij të 69-të.
Dy ditë më pas (10 janar 2016), legjenda David Bowie humbi luftën me kancerin dhe ndërroi jetë.
Autor i dokumentarit është Francis Whately, i cili ishte producent dhe regjisor i filmit nga viti 2013, “David Bowie: Five Years”. /Telegrafi/
