Justin Bieber dhe gruaja e tij Hailey Bieber janë bërë prindër për herë të parë të premten mbrëma, duke sjell në jetë djalin e tyre të cilën e quajtën Jack Blues.
Çifti siç duket ka marrë lavdërime pasi i dhanë të porsalindurit të tyre “emrin më normal nga të famshmit për një kohë të gjatë”, shkruan DailyMail.
Figurat e Hollivudit janë të njohur për ta bërë pikërisht të kundërtën, për shembull, fëmijët e Gwyneth Paltrow dhe Chris Martin quhen Apple dhe Moses dhe Frank Zappa pagëzoi një nga vajzat e tij Moon Unit.
Beyonce e pagëzoi vajzën e saj të parë Blue Ivy, derisa Jason Lee emëroi vajzën e tij me emrin Pilot Inspektor.
Miqtë e Hailey-t, Karadashian dhe Jenners iu bashkuan gjithashtu këtij trendi duke lënë emra të pazakontë sikurse North, Reign, Psalm, Dream, Saint, True, Aire etj.
Megjithatë, kur Justin 30 dhe Hailey 27 njoftuan lindjen e foshnjës së tyre të premten mbrëma, ata zbuluan se emri i tij është i zakonshëm dhe prekës.
Djali i tyre quhet Jack Blues Bieber – Jack është emri i mesëm i babait të Justin, Jeremy Bieber.
Përdoruesit në rrjetet sociale shpërthyen me reagimet e tyre duke lavdëruar artistin për emrin e thjeshtë që i la djalit të tij.
“Disi emri më normal i një foshnje të famshme”, shkroi një përdorues në X.
“Nuk më besohet Hailey dhe Justin Bieber pagëzuan fëmijën me një emër normal, bota po shërohet”, shkroi një tjetër. /Telegrafi/
