Bora që ka rënë sot në territorin e Kosovës ka shkaktuar mjaft problem në qarkullimin rrugor dhe ajror.
Për atë rrugor është raportuar për aksidente gjithandej, kurse në Aeroportin Ndërkombëtar të Prishtinës “Adem Jashari” janë anuluar një sërë fluturimesh, transmeton Koha.net.
Në faqen zyrtare të aeroportit shihet se fluturimi për Basel i orësh 19:35 është anuluar, kurse tjetri i orës 20:35 është shtyrë për nesër në ora 09:50. Gjithashtu fluturimi për Munich, Stamboll, Vienë janë anuluar, kurse ai për Zurich i orës së 19:50 është devijuar.
Ndërsa në rrafshin e arritjeve në aeroport,një fluturim nga Baseli është shtyrë për nesër në ora 09:00 kurse katër të tjerët që kanë pasur të arrijë në ora 19:45, 22:50, 23:50 dhe 00:50 janë anuluar. Arritjet nga Stambolli dhe Viena gjithashtu janë anuluar, kurse arritja nga Dusseldorfi është shtyrë për nesër në ora 14:40 dhe arritja nga Zurichu është devijuar.