Boksierja algjeriane, Imane Khelif ka fituar disa çmime serioze pasi fitoi finalen e Lojërave Olimpike “Paris 2024” në peshën e lehtë të boksit për femra.
Të premten në mbrëmje, boksierja algjeriane Khelif mposhti Yang Liu të Kinës me vendim unanim në meçin për medaljen e artë të boksit për femra deri në 66 kg.
26-vjeçarja bëri histori duke u bërë vetëm boksieri/ja i/e dytë algjerian/e që fiton një medalje të artë në Lojërat Olimpike.
Rruga e Khelif për në finale u errësua nga polemikat mbi pranueshmërinë e saj për të luftuar në konkurrencën e femrave.
Khelif u skualifikua nga kampionati botëror i boksit për femra vitin e kaluar pasi ajo dështoi në testet e përshtatshmërisë gjinore.
Shoqata Ndërkombëtare e Boksit [IBA] nuk zbuloi saktësisht se cilat ishin testet, por presidenti i IBA Umar Kremlev pretendoi se ajo kishte kromozome XY.
Asnjë provë nuk është prodhuar ndonjëherë për të mbështetur këtë pretendim.
IBA nuk qeveris boksin olimpik për shkak të çështjeve të qeverisjes dhe Khelif kaloi testet e përshtatshmërisë së Komitetit Olimpik Ndërkombëtar.
Khelif ka lindur femër dhe gjithmonë është identifikuar si femër.
Emri i algjerianes u bë kryefjalë javën e kaluar, pasi lufta e saj me italianen Angela Carini përfundoi pas vetëm 46 sekondash, me italianen që u largua nga ringu në lot. Boksierja 25-vjeçare që atëherë është përballur me reagime në të gjithë mediat sociale pas raportimeve të gabuara mbi gjininë e saj.
Carini që atëherë ka kërkuar falje për reagimin dhe komentet e saj, megjithatë, Khelif vazhdoi të përballej me një sulm abuzimi në internet, duke bërë që babai i saj Omar Khelif të shfaqte certifikatën e saj të lindjes në një TV francez për të vërtetuar se ajo kishte lindur vajzë.
Pavarësisht reagimit të ashpër, Khelif vazhdoi të mposhti hungarezen Anna Luca Hamori dhe Janjaem Suëannapheng të Tajlandës për të fituar një vend në finale dhe një medalje të garantuar.
Sipas Essentiallysports, një boksier/e fitues i medaljes së artë merr çmim prej 100,000 dollarësh. Gjysma e çmimit shkon drejtpërdrejt për sportistin, ndërsa gjysma tjetër ndahet mes Federatës Kombëtare dhe trajnerit.
Nëse Khelif do të kishte humbur ndeshjen, ajo do të kishte marrë një çmim prej 50,000 dollarësh, ku 25,000 dollarë nga kjo do t’i shkojnë atletit dhe gjysma tjetër do t’i jepet trajnerit dhe Federatës Kombëtare së bashku.
Paratë jepen nga Shoqata Ndërkombëtare e Boksit (IBA), e cila mund t’i komplikojë gjërat për Khelif. /Telegrafi/