Boksieri Jarrell Miller ndërhyn në skenë për t’u konfrontuar verbalisht me Anthony Joshuan në New York

Anthony Joshua është përfshirë në një konfrontim të urryer me Jarrell Miller, gjatë daljes ballë për ballë me sfiduesin për titullin e botës, Alexander Povetkin, në një eveniment në New York.

Miller, një boksier amerikan i peshave të rënda, ka ndërhyrë në skenë gjatë kohës kur Joshua pozonte për fotografët, në prezantimin e duelit ndaj boksierit rus që do të zhvillohet në muajin shtator.

https://twitter.com/Knuckleuptv/status/1019310430408335360

Derisa britaniku qëndronte me titujt e tij, IBF, WBA dhe WBO, në duar, Miller hyri në skenë dhe në atë çast nisi një zënkë verbale mes tyre.

Lexo po ashtu Lajmet për Joshuan

Pasi kanë shkëmbyer disa fjalë me njëri-tjetrin, ka ndërhyrë sigurimi për t’i ndarë.

“Njerëzit flasin për mua, pastaj më shohin ballë për ballë, ndërsa vazhdojnë të flasin. Unë i mbroj titujt e mi në ring, jam i përkushtuar dhe nuk do ta toleroj as jashtë ringut. Unë e mbroj pozitën time. Këtë e bëjmë si boksierë”.

“Të gjithë janë të mirëseardhur ta provojnë. Fillimisht, do të fokusohem te Povetkini, por kurrë nuk i dihet se çfarë do të sjellë e ardhmja”, ka deklaruar Joshua pas largimit nga skena.

Joshua dhe Povetkin do të përballen në muajin shtator në stadiumin Wembley. Boksieri rus u bë sfidues i detyrueshëm i AJ nga WBA, pas triumfit kundër David Price. /Telegrafi/