Sipas raportimeve, bashkëpronari i ri i Chelseat, Todd Boehly do të organizojë një darkë joformale me homologët e tij në Ligën Premier.
Biznesmeni amerikan, i cili gjithashtu është bashkëpronar i LA Dodgers, përfundoi blerjen prej 4.25 miliardë dollarësh të gjigantëve londinez së bashku me Clearlake Capital në fund të majit.
Boehly tani ka organizuar darkën me homologët e tij pasi 20 drejtuesit e ligës angleze të futbollit u mblodhën për mbledhjen e tyre të fundit të aksionarëve në Londër të martën, sipas The Athletic.
Edhe pse jo çdo anëtar i grupit thuhet se është në gjendje të marrë pjesë, gjesti i Boehlyt thuhet se është pritur mirë nga homologët e tij.
Sundimi i tij në klubin londinez ka nisur plotësisht me Blutë që po shkojnë drejt sezonit të ri, por që nga aspekti i transferimeve janë duke ngecur, derisa kanë realizuar vetëm dy.
Skuadra e Thomas Tuchel ka performuar dobët këtu në Shtetet e Bashkuara, pikërisht kur Boehly dhe Co donin të tregonin projektin e tyre të ri emocionues.
Ai premtoi fytyra të reja dhe ka filluar t’i realizojë me ardhjen prej 63 milionë euro të yllit të Manchester City, Raheem Sterling dhe nënshkrimin e mbrojtësit të Napolit, Kalidou Koulibaly për 41 milionë euro. /Telegrafi/