Ministri i Transportit dhe Lidhjeve, Bllagoj Boçvarski në konferencë për shtyp tha se ministria që drejton ai bashkërisht me autoritetet bullgare po punojnë maksimalisht për të zbuluar shkaqet e aksidentit.
“Nga aspekti i kompetencave të Ministrisë së Transportit dhe Lidhjeve, dëshiroj të potencoj disa çështje kyçe: Transportuesi në ministri ka parashtruar kërksë më 18.07.2018 për të marrë licencë për transport ndërkombëtar. Ndaj kërksës është vendosur dokumentacioni i plotë dhe ka përmbushur kushtet ligjore dhe i është dhënë leja për transport të lirë ndërkombëtar”, tha Boçvarski.
Ai shtoi se firma ka dhënë dokumentacion të rregullt me vërtetime të vlefshme të kushteve teknike dhe me eurostandard siç janë EURO 3 dhe EURO 4 standard.
“Me kërkesën për licencë ndërkombëtare ka përmbushur kushtet për marrjen e licencës dhe i është dhënë licenca për kryerjen e transportit të lirë të udhëtarëve nga 08.08.2018 deri më 08.08.2022”, tha Boçvarski.
Ai po ashtu sqaroi se “Besa Trans – Shkup” ka paraqitur katër automjete, por autobusi i aksidentuar nuk është ndodhet në mesin e këtyre automjeteve. Ai theksoi se Inspektorati është dashur të kontrollojë nëse transportuesi ka pasur licencë për atë automjet dhe se tani ka nisur procedura për marrjen e licencës, kurse Inspektorati do të bëjë kontroll të jashtëzakonshëm./Telegrafi/