Prodhuesi gjerman BMW ka gjetur një strategji të re, në mënyrë që të shesë sa më shumë SUV, që të mposhtë rivalët si Mercedes AMG apo Ford Edge ST.
Në këtë betejë, nuk përfshihen veturat, rritja e fuqive të tyre apo performancës, por shtimi i salloneve për reklamimin e tyre, transmeton Telegrafi.
“Janë makina për familjarë, andaj duhet pëlqimi i të gjithë anëtarëve, për ta ndjerë nga afër dhe zgjedhur më të përshtatshmin”, është thënë në raportin e kompanisë.
Madje, të interesuarve do t’ju mundësohet edhe që të vozitet për një kohë, për ta parë se a po ju pëlqen.
Sallonet do të jenë luksoze dhe me ambient të përshtatshëm, që pritet ta bëjnë klientin sa më shumë për vete.
Në anën tjetër, ata mund të zgjedhin nga materialet e ekspozuara, që mbulojnë enterierin, ulëset, si dhe elemente tjera që u shtohen makinave. /Telegrafi/
