Haramao Lee që po fluturonte nga Hong Kongu i Kinës, për në Romë të Italisë, i ka shqetësuar ndjekësit e saj, me imazhin e pazakontë dhe të rrezikshëm.
Derisa ndodhej në kabinën luksoze të klasës së parë të aeroplanit, blogerja e udhëtimit u mbulua me një batanije, ndërsa sipër vuri dritat dekorative që zakonisht vendosen mbi bredh, transmeton Telegrafi.
Madje, ajo ishte ulur parehatshëm në cepin e karriges që shtrihet, që të duket sikur është në ndonjë shtrat të gjerë.
“Çfarë po bën në atë pozitë, ajo do duhej të ulej në pjesën tjetër”, si dhe “kush i merr me vete dritat dekorative në aeroplan”, ishin dy prej komenteve të shumta.
Në anën tjetër, disa kanë pyetur se si i është lejuar ndezja e dritave, pasi mund të përbënin rrezik po që se janë mbi batanije.
Në anën tjetër, Lee që është shumë e njohur në Instagram, e ka llogarinë e mbushur me imazhe mbresëlënëse nga zonat më të dëshiruara për udhëtime. /Telegrafi/