Është mbajtur në Kosovë një prej ngjarjeve më të madhe të automobilizmit, të organizuar nga grupi i rrjetit social në Facebook “Marakli t’kerreve” dhe atij ndërkombëtar “One Life Rally”.
Disa nga këta të fundit kanë ardhur ekstra nga disa vende të ndryshme të botës.
I pranishëm në event ka qenë edhe blogeri i famshëm i kanalit YouTube, Vitaly Zdorovetskiy.
E dashura e tij, Kinsley Wolanski, e cila u bë hit gjatë ndërhyrjes në fushë në finalen e Ligës së Kampionëve në “Wanda Metropolitano”, nuk ka qenë prezente në këtë event, por kjo nuk dëshproi të pranishmit.
Kjo pasi Vitaly Zdorovetskiy në një moment nuk ka hezitoi që të bëjë edhe simbolin e shqiponjës me duar.
Ky gjest i tij erdhi si kërkesë e disa prej fansave në mes të turmës.
Telegrafi ka kapur disa fotografi nga ky moment, i cili duket se ka entuziazmuar tej mase publikun shqiptar që ishte prezent. /Telegrafi/
