Darik i pëlqen të vizitojë ankandet dhe të blejë gjërat e humbura që shiten aty, andaj ai së fundmi ka blerë një valixhe për 180 euro.
Kur e hapi valixhen ai gjeti diçka që e lumturoi shumë, dhe reagimin e tij e ndau me anë të një videoje në TikTok e cila ka mbledhur rreth 360 mijë shikime, transmeton Telegrafi.
Brenda saj gjendeshin një iPad, një grumbull veshjesh, një portofol Louis Vuitton, një çantë Prada, dhe një orë Gucci.
Shumë përdorues u tronditën nga fakti që aeroportet ofrojnë valixhet e humbura në ankande pa kërkuar më parë pronarët.
Nga videoja duket se Darik i ka kthyer shumëfish paratë e investuara në blerjen e valixhes. /Telegrafi/