Ferrari është një veturë spektakolare në të gjitha mënyrat, veçanërisht nëse çmimi i saj hidhet nga 200 në 6,000,000 dollarë.
Është një Ferrari 340 e vitit 1952 që do të shitet në Indianapolis këtë fundjavë.
Ai është një nga vetëm 24 kopjet e prodhuara dhe përfaqëson një veturë gare që fitoi vendin e pestë në garën e Le Mans në vitin 1952.
Më pas u importua në SHBA ku ndryshoi disa pronarë dhe njëri prej tyre zëvendësoi motorin origjinal V12 me një Chevy V8. Motori origjinal që atëherë ka humbur gjurmët, transmeton Telegrafi.
Trupi më vonë u dëmtua nga një përplasje dhe u zëvendësua, por ai gjithashtu u dëmtua gjatë transportit, kështu që pronari më pas vendosi për një trup me lesh xhami Devin Spider. Vetura më pas zhduket dhe nuk shfaqet për dekada.
Sidoqoftë, në vitin 1990, ajo u ble nga vrapuesi Mike Sanfilippo për 200 dollarë, sepse shitësi thjesht donte ta hiqte qafe atë. Sanfilippo nuk e dinte origjinën e veturës, ata donin ta përgatisnin atë për garat e përshpejtimit, por gjithsesi e shitën atë në eBay në viti 2006 për 26,912 dollarë.
Bëhet fjalë për një ekspert të restaurimit i cili shpejt zbuloi se çfarë bleu dhe se vetura në të vërtetë ka vlerë 3 milionë dollarë.
Kjo u pasua nga një restaurim i kryer nga Ferrari Classiche, dhe vetura u rikthye në gjendjen e saj origjinale. Ai mori motorin e tij 4.1-litër V12 të shoqëruar me një kambio manual me katër shpejtësi, dhe pamja e tij origjinale u rikthye falë fotove dhe copave të gazetave.
Makina pritet të shitet për më shumë se 6 milionë dollarë. /Telegrafi/