Blero së fundmi ka ardhur me një projekt të ri. Ai ka sjell një version të ri të këngës së Sabri Fejzullahut, “Pse s’thash të du”.
Këngëtari në “Reload” në RTV Dukagjini ka treguar se projekti është realizuar në fshatin Bistricë në veri të Kosovës ndërsa pamjet në klip janë realizuar nga Onima dhe Imagine.
Blero thotë se ka projekte të gatshme por sipas tij për shkak të situatës me pandeminë e COVID-19 nuk ka dashur të lansojë klipe në këtë kohë.
Ai, siç përcjell Telegrafi, thotë se muzika nuk shijohet njëjtë si në kohë lirie si në pamdemie.
“I kam disa projekte të kryera me klipe e më të gjitha por nuk dua t’i ngarkojmë shumë njerëzit. E di që njerëzit kur detyrohen të qëndrojnë brenda nuk e përjetojnë njëjtë muzikën. Thjeshtë e dëgjojnë prej zori”.
Këngëtari thotë se projekti “Pse s’thash të du” ka dalë spontanisht dhe “vetëm për të përshëndetur fansat”.
Këngëtari në fund edhe ka përshëndetur fansat e tij me disa fragmente të kënduara “live” në emisionin Reload./Telegrafi/