Një nga blerjet e fundit të Jurgen Kloppit tek Liverpooli është lidhur me një largim këtë verë, vetëm shtatë muaj pasi nënshkroi për klubin anglez.
Do të jetë një verë e shumë ndryshimeve tek ekipi i Liverpoolit, teksa Jurgen Klopp dhe stafi i tij pritet që të largohen pas përfundimit të sezonit aktual.
Përveç trajnerit, pritet të ketë ndryshime edhe në përbërjen e skuadrës, ku pritet që largimi i parë të jetë ai i Ryan Gravenberch, përkundër faktit se ai iu bashkua Liverpoolit në verë.
Sipas mediumit turk FotoMac, Galatasaray janë të etur për të nënshkruar me Gravenberch këtë verë, pasi mesfushori holandez po konsiderohet një objektiv kryesor për klubin.
Klubi dukej i vendosur që të siguronte shërbimet e Gravenberch verën e kaluar, por Liverpooli bëri një ofertë më ta madhe duke nënshkruar me lojtarin nga Bayern Munichu në ditën e fundit të afatit kalimtar.
Gravenberch nënshkroi një kontratë pesëvjeçare për Liverpoolin më 1 shtator dhe bëri debutimin e tij me klubin një muaj pas.
Disa nga paraqitjet e tij nga minuta e parë erdhën në Ligën e Evropës ndërsa ai u shpërblye me minuta edhe në Ligën Premier për shkak të mungesës së Curtis Jones.
Galatasaray po udhëheq në elitën e futbollit turk duke lënë pas vetës rivalin e përbetuar Fenerbahcen që kanë dy pikë më pak./Telegrafi/