Këngëtarja Bleona Qereti ka qenë mbrëmë (e shtunë) e ftuar në emisionin “Xing me Ermalin”.
Ajo ka udhëtuar nga Shtetet e Bashkuara të Amerikës për në Shqipëri, vetëm për tu gjendur para shqiptarëve në një prej emisioneve më të ndjekur.
E njëjta gjatë intervistës me Ermalin ka dhuruar show, teksa ka treguar për më të rejat në karrierë dhe jetën e saj private.
“Ti nuk din as me ma lyp” ishte një ndër këngët më të përfolura të saj ndër vite, e cila vazhdon e kujtohet nga shqiptarët edhe sot e kësaj dite.
Gjatë intervistës, e pyetur rreth këtij projekti, Bleona ka dhënë një përgjigje shumë interesante, duke thënë se kënga ka qenë një dedikim për një njeri që sot është “i madh”.
Agim Doçi ka qenë tekstshkruesi i kësaj kënge mjaft ngacmuese.
Bleona e ka përfunduar bisedën duke e quajtur “një dukuri” këtë këngë, e cila ka qenë një nga më të suksesshmet në karrierën e saj. /Telegrafi/