Këngëtarja e mirënjohur e skenës shqiptare, Bleona Qereti, ka paralajmëruar projektin e ri muzikor.
Fjala është për këngën e re të saj që mban titullin “Haters” dhe siç ka njoftuar lansohet më 1 mars.
Duke qenë se është tejet aktive në rrjetet sociale dhe vetëm në Instagram numëron 629 mijë ndjekës, 40-vjeçarja nuk ka hezituar të ndajë imazhe të ndryshmenga prapaskenat e videoklipit.
“Shumë e emocionuar të ndajë me ju se kënga ime e re ‘Haters’ do të publikohet më 1 mars. Surpriza e madhe është rrugës bashkë me projektin e ri”, ka shkruar në njërin nga postimet Qereti.
Në imazhet e tjera, Bleona duket në top formë me kostumin shkëlqyes gri teksa në duar mban shuma të majme parash, që siç tregon për to flet edhe në këtë projekt.
“Duke i numëruar dollarët, publikohet më 1 mars”, ka shkruar ndër tjerash ajo.
Bleona gjithashtu ka qenë një prej yjeve pjesëmarrëse në ndejën e organizuar nga Elton John dhe Fondacioni AIDS pas ceremonisë së ‘Academy Awards 2020’.
Zeshkania edhe këtë herë mori vëmendje me dukjen e saj dhe fustanin transparent që zgjodhi pas ceremonisë së ndarjes së çmimeve ‘Oscar’. /Telegrafi/