Nuk ka dyshim kësaj radhe se Gwen Stefani dhe Blake Shelton janë martuar.
Çifti u martuan zyrtarisht të shtunën, më pak se një muaj pasi këngëtarja e “No Doubt” ndezi thashethemet për një martesë duke qenë se u fotografua me një diamant në dorën e saj të majtë.
Ceremonia u zhvillua në fermën e Shelton në Oklahoma, ku burimet thanë më parë se ai ndërtoi një kishëz me qëllim që të martohej me Stefanin atje.
Stefani, 51 vjeçe dhe Shelton, 45 vjeç, filluan lidhjen në 2015 pasi u takuan si trajnerë në “The Voice” të NBC.
Në atë kohë, rokeri dhe super ylli i ‘country’ ishin të dy të divorcuar.
Në korrik 2015, Shelton bëri kërkesë për divorc nga Miranda Lambert, gruaja e tij e dytë, pas katër vitesh martesë.
Pastaj, vetëm disa javë më vonë, Stefani dhe Gavin Rossdale tronditën fansat duke u ndarë pas 13 vitesh martesë dhe tre fëmijëve.
Që kur u bënë bashkë, muzikantët kanë realizuar disa bashkëpunime si: “Nobody But You”, “Happy Anyëhere” dhe “You Make It Feel Like Christmas”.
Dyshja u fejuan në tetor të vitit që lamë pas. /Telegrafi/