Para një jave, policia në Wirwickshire të Anglisë, kishte shpërndarë një imazh, përmes së cilit kërkohej të identifikohej një i dyshuar për shkeljen e rendit.
Fotografia u bë virale me shpejtësi, shkaku i pamjes qesharake dhe punimit të pazakontë, transmeton Telegrafi.
Por, Richard Fox ishte vënë nën presion prej miqve virtual, se pikërisht ai mund të jetë i dyshuari me gojë të madhe dhe kapele të zezë.
Këtë e ka hedhur poshtë biznesmeni 43-vjeçar, duke thënë se ka ngjashmëri, por nuk ka bërë ndonjë shkelje të rendit.
“Nuk kam qenë kurrë në Wirwickshire, ndërsa kapelën e mbaj se e kam hobi të dal për të fotografuar në natyrë”, ka thënë Fox.
Në anën tjetër, i dyshuari që është krahasuar me macen me gojë të gjerë nga filmi Liza në Botën e çudirave, është ende në arrati. /Telegrafi/