Biznesmeni dhe politikani kosovar, Ramiz Kelmendi, në emisionin Euro Tribuna që transmetohet çdo të hënë në Tribuna Channel , ka folur rreth shkrimeve të fundit në medie siç u raportua “mashtrimeve me çmime” që po bënë ETC-ja, pronar i së cilës është Kelmendi.
Ai ka thënë se kjo mund të ketë qenë ndonjë gabim ngase siç tha ai në ETC dhe ELKOS nuk ka asnjë qëllim për mashtrim të organizuar.
“Rritjet e çmimeve ne pikat tona bëhen vetëm nëse kanë ndryshuar imputet e blerjes ose politikat fiskale. Mund të ketë gabime, lirimi i çmimeve bëhet në mënyrë elektronike, ka qytetarë që dikush mund ta heq çmimin dhe ta lenë atë që ka qenë më përpara. Nuk ka asnjë qëllim në ETC dhe ELKOS të ndodh një mashtrim i organizuar, ka thënë Kelmendi.
Ai në këtë emision ka folur edhe rreth investimeve të huaja . Sipas tij, prodhimi në Kosovë duhet të rritet në mënyrë që të kemi më shumë prodhime vendore.
“Ato çmime të cilave do u rritet tvsh-ja për 8% edhe ato do të rriten. Nuk mund ta zvogëloj profitin tim, e t’i ndali prodhimet e huaja dhe ti largojë punëtorët nga puna derisa prodhuesit tanë nuk e kanë rritur prodhimin. Do të isha shumë i kënaqur nëse do të kishim prodhime vendore”, ka thënë Kelmendi në emisionin Euro Tribuna.
Biznesmeni Kelmendi mes tjerash ka thënë se Kosova është vend që ka nevojë për biznes dhe zhvillim. /Gazeta Tribuna/