Dy vëllezërit e famshëm binjakë, aktorët Donald dhe Romeo Veshaj sot kanë një ditë të veçantë.
Kjo sepse dyshja po festojnë ditëlindjen e 27-të dhe nuk ka munguar një festë për ta dhe urime të shumta nga familjarë, miq e fansa.
Përmes disa postimeve në InstaStory, Donaldi dhe Romeo kanë treguar se mbrëmë kanë festuar me një aheng mes miqsh.
Në urim për vëllezërit ka ardhur edhe nga miku i tyre dhe kantautori, Elgit Doda, i cili përmes një foto me dyshen ka shkruar: “Kështu do qeshim kur të jemi 80 vjeç, urime ditëlindja djemtë e mi”.
Kujtojmë që ishte Romeo ai që nisi i pari karrierën si aktor në moshën 17 vjeçare në emisionin humoristik “Portokalli”, për të iu bashkuar më pas edhe Donaldin, dyshja së bashku luajtën bashkë në “Al Pazar”.
Krahas aktrimit, Donaldi dhe Romeo sfiduan vetën edhe më moderim, që vazhdojnë të jetë profesioni i tyre dhe tashmë drejtojnë emisionin “Më lër të flas”.
Donaldi në anën tjetër rreth një vit më parë u bë ndër emrat më të komentuar në mediat rozë, kjo për shkak të pjesëmarrjes në Big Brother VIP.
Pas përfundimit të BBV, binjakët kanë nisur një karrierë muzikor dhe gjatë këtij viti kanë lansuar disa projekte.
Ndërkaq, vëllezërit simpatik janë të përfolur edhe për jetë private, Romeo më parë ishte në një romancë me këngëtaren Jondia Maliqi, ndërsa Donaldi aktualisht thuhet se është rikthyer me partneren tij prej vitesh, prezantuesen Bora Zemani, ndonëse të dy nuk e kanë mohuar e as pohuar një gjë të tillë akoma. /Telegrafi/
