Reperi kosovar, Burim Kursani, i njohur si BimBimma, përmes një postimi në Facebook ka paralajmëruar albumin e ri.
Ai përmes rimave ka bërë një lidhje të bukur të titujve të albumeve të mëhershme të tij, duke filluar nga “E-Gjeli”, “Rra’jt”, për ta përfunduar me titullin e albumit të ri, “Bima”.
“Prej farës (E-Gjeli) bohen Rra’jt e del Bima”, ka shkruar ai në Facebook, transmeton Koha.net.
Me këtë rast, reperi ka njoftuar se albumi do të publikohet këtë vit, përderisa ka publikuar edhe një fotografi që shihet se tashmë këngët janë gati, por nuk ka treguar titujt e tyre dhe datën e publikimit të albumit.
