Reperi i njohur Bim Bimma ka kohë që ka paralajmëruar se shumë shpejt do të vijë me një projekt gjigant siç është albumi.
Albumi ende i pa titull ishte paraparë që të dilte gjatë sezonës së verës ose në vjeshtë, mirëpo ai së fundmi përmes një statusi në llogarinë zyrtare në Facebook, ka treguar se publikimi i albumit do të shtyhet për muajin dhjetor ose vitin e ardhshëm.
Arsyeja e kësaj shtyrje do të jenë vonesat e bashkëpunimeve me këngëtarë të tjerë, të cilat do të duhet të shtyhen për arsye se ata kanë publikuar bashkëpunime me këngëtarë të tjerë këtë verë.
Përndryshe ai ka befasuar fansat duke treguar se albumi do të jetë vërtetë gjigant, pasi do të përmbajë 27 këngë, e ndërsa informata tjera do ti bëjë të ditur në muajin nëntor. /Telegrafi/
