Federata e Futbollit e Kosovës ka njoftuar opinionin për shitjen e biletave për ndeshjen kualifikuese të Botërorit 2022, Kosovë – Gjeorgji.
Ndeshja e cila zhvillohet më 12 tetor në stadiumin “Fadil Vokrri”, do të zhvillohet me kapacitet prej 30 për qind të tifozëve.
Kjo behët për shkak të masave anti-Covid të qeverisë së Kosovës.
Shitja fillon të shtunën më datën 09 tetor 2021 nga ora 12:00 në pikat e Artmotio nëpër qytetet kryesore.
Një person mund të blejë deri në 2 bileta me letërnjoftim.
Çmimet e biletave janë sikurse në ndeshjet e kaluara: Perëndim 20 euro, Lindje 10 euro, Veri dhe Jug 5 euro.
