Ejona dhe Ademi nga Berati, janë njohur bashkë 7 vite më parë dhe vazhdojnë të duhen si ditën e parë, një arsye më shumë është edhe ardhja në jetë i djalit të tyre të vetëm, Arturit.
Ejona 23-vjeç qëndron në shtëpi dhe kujdeset për djalin, ndërsa Ademi 25 ka marrë përsipër përgjegjësitë e burrit të shtëpisë dhe punon si mekanik. Në kushte ekonomike të vështira, dy të rinjtë nuk e kanë provuar kurrë luksin e të fjeturit në një krevat, privilegj ky që do ta përjetojnë gjatë qëndrimit në shtëpi. Jeta për Jonën ka qenë e vështirë.
Për shkak të sëmundjeve të rënda humbi njëri pas tjetrit prindërit në moshën 3 dhe 8 vjeçare. Ishte halla e saj ajo që i qëndroi pranë duke i dhuruara dashurinë e nënës dhe babait. Në moshën 14-vjeçare ajo është diagnostikuar me kancer dhe pas shumë kimioterapive arriti të mposhtë sëmundjen.
Në moshën 16-vjeçare është njohur me Ademin dhe që atëherë, kanë qenë të pandarë përpara çdo sfide. Ata janë bashkë në këtë garë, në luftë për të tuar 100 milion lek gjatë 100 ditëve të qëndrimit në shtëpi. /Anabel/
