Reperi i njohur shqiptar, Big Basta, së bashku me bashkëshorten e tij, këngëtaren Vesa Luma, janë një ndër çiftet më të pëlqyera të estradës shqiptare.
Ata janë shpërngulur prej vitesh në Zelandën e Re, ku edhe jetojnë aktualisht bashkë me djalin e tyre të vogël, Lianin.
Çifti janë mjaft të ndjekur në rrjetet sociale, përmes së cilave ndajnë herë pas here me ndjekësit fotografi të ndryshme nga jeta e tyre e përditshme.
Së fundmi, Big Basta ka publikuar në llogarinë e tij zyrtare në Instagram një fotografi, të realizuar me Vesën vite më parë në fillimet e lidhjes.
Në mbishkrimin e kësaj footgrafie, ai e ka ngacmuar bashkëshorten e tij duke thënë se i është bërë e zakoshme si fytyrë dhe mbase duhet “ta ndërrojë”.
“Me të njëjtën fytyrë në krah gjithë këto vite, njësoj si të kesh makarona përditë, të bën dëm…ka ardhur momenti ta ndërroj”, kanë qenë fjalët e reperit nga Tirana në Instagram.
Sigurisht që ky postim është pritur me shaka nga një pjesë e mirë e ndjekësve të reperit, pasi të gjithë janë në dijeni për harmoninë që dyshja Vesa dhe Big Basta gëzojnë si çift. /Telegrafi/