Florian Bieber, drejtor i Qendrës për Studime të Evropës Juglindore në Universitetin e Grazit, ka folur për situatën në Kosovë.
Ai ka bërë një ndërlidhje të fakteve, ku ka thënë se ka muaj që në Serbi janë shkruar murale “Kur ushtria të kthehet në Kosovë”.
Bieber ka shkruar në platformën “X”, se këto murale nuk janë spontane, por të njëjtat kanë qartë miratimin e qeverisë serbe.
“Zbulimi i muraleve në Serbi. Prej muajsh murale si kjo “Kur ushtria të kthehet në Kosovë” janë shfaqur në mbarë Serbinë. Ato nuk janë spontane. Muralet dhe slogani kanë qartë miratimin e qeverisë”, ka shkruar Bieber.
Ai shkruan më tej se për këto murale Vuçiq ka pohuar se janë në përputhje me rezolutën 1244.
Bieber përmend edhe faktin kur një aktiviste ishte dënuar për shkak se kishte hedhur vezë në muralin e Ratko Mlladiq.
“Në të njëjtën kohë, Aida Çoroviq, një aktiviste për një kohë të gjatë, gjobitet për “shqetësim të rendit dhe paqes” për hedhjen e vezëve në muralin e Ratko Mlladiq në 2021”, shkruar Bieber.
Tutje ai bënë të ditur se në Bijelina matanë kufirit në Serbi, njërit prej sulmuesve të vrarë në Bansjkë më 24 shtator i është kushtuar një mural.
“Këto murale, si tabloidet, sinjalizojnë se si qeveria dëshiron që shoqëria të mendojë për Kosovën dhe “heronjtë” dhe gjithashtu vërshojnë hapësirat publike me nacionalizëm radikal që vështirë injorohet”, u shpreh Bieber. /Telegrafi/
Defended in the government newspaper Politika https://t.co/oY9vsl4ylf & Vučić claimed that they are in line with UNSC res. 1244. 2/5
— Florian Bieber (@fbieber) October 5, 2023