Justin Bieber i është rikthyer veseve të vjetra, të paktën natën e shkuar, pasi u shfaq duke pirë një cigare hashash në skenë.
Këngëtari po performonte në Zelandën e Re, së bashku me reperin Rae Sremmurd, kur ndezi hashashin dhe nisi ta pinte në skenë. Ai gjithashtu kishte marrë me vete edhe një shishe alkool, transmeton tvklan.
Portali amerikan TMZ sjell pamje ekskluzive të kësaj performance të Bieber ndërsa e konsideron këtë veprim si rikthim të 21 vjeçarit në “zonën e rrezikshme”.
Vitin e shkuar, Bieber u arrestua në Miami pasi i jepte makinës nën influencën e lëndëve narkotike dhe alkoolit.
Megjithatë burime pranë Bieber i thanë TMZ se këngëtari ishte penduar për këtë veprim dhe se e bëri për shkak të një basti. /Telegrafi/
