Një aksident ka ndodhur sot në Pejë ndërmjet dy veturave, ku si pasojë njëra nga veturat ka rënë në lumin Bistrica.
Aksidenti ka ndodhur rreth orës 12:30 në afërsi të Tregut të Gjelbër, në Pejë.
Lajmin e bëri të ditur në një prononcim për Telegrafin zëdhënësi i Policisë rajonale të Pejës, Driton Rugova.
Sipas tij, një person është lënduar dhe është dërguar për tretman mjekësor në spitalin rajonal në Pejë.
“Rreth orës 12:30 ka ndodhur një aksident trafiku në mes dy veturave në afërsi të Tregut të Gjelbër. Si shkak i aksidentit njëra veturë ka rënë në lumin Bistrica. Një person është i lënduar dhe është dërguar në spitalin rajonal të Pejës”, ka thënë Rugova.
Ai tha se njësitë e policisë kanë dal në vendin e ngjarjes dhe janë duke hetuar rastin. /Telegrafi/