Edhe Evropa ka reaguar për presidentin amerikan, Joe Biden, i cili njoftoi se do të tërhiqet nga gara presidenciale dhe dha miratimin që kandidatja e re e demokratëve të jetë zëvendëspresidentja, Kamala Harris.
Në një deklaratë me shkrim, Biden tha se ka qenë nderi më i madh i jetës së tij të shërbejë si president dhe u zotua të qëndrojë në këtë detyrë deri në përfundimin e mandatit të tij në janar.
“Unë do t’i flas kombit këtë javë dhe do të jap më shumë detaje rreth vendimit tim”, tha Biden.
Nga Ukraina, presidenti Volodymyr Zelensky falënderoi Bidenin për “mbështetjen e palëkundur” gjatë dy viteve të pushtimit rus, shkruan euronews, përcjell Telegrafi.
“Ne do të jemi gjithmonë mirënjohës për udhëheqjen e presidentit Biden. Ne e respektojmë vendimin e sotëm të ashpër, por të fortë”, tha Zelensky.
Ukraine is grateful to President Biden for his unwavering support for Ukraine’s fight for freedom, which, along with strong bipartisan support in the United States, has been and continues to be critical.
Many strong decisions have been made in recent years and they will be…
— Volodymyr Zelenskyy / Володимир Зеленський (@ZelenskyyUa) July 21, 2024
SHBA-ja nën Bidenin ka qenë mbështetësja kryesore financiare dhe ushtarake e Ukrainës dhe ka shqetësime në të dyja vendet se mbështetja mund të ndalet nëse Donald Trump fiton zgjedhjet presidenciale të nëntorit.
Ndryshe, zëvendëspresidentja e tij Kamala Harris falënderoi Bidenin për “udhëheqjen e tij të jashtëzakonshme” dhe tha se ajo ishte e nderuar që kishte miratimin e tij për të kandiduar për Shtëpinë e Bardhë.
“Unë do të bëj gjithçka me fuqinë time për të bashkuar Partinë Demokratike dhe për të bashkuar kombin tonë, për të mposhtur Donald Trump dhe axhendën e tij ekstreme të Projektit 2025”, tha Harris. /Telegrafi/