Presidenti i zgjedhur amerikan, Joe Biden ka mirëpritur “lajmin e shkëlqyeshëm” se një vaksinë kundër COVID-19 e zhvilluar nga Pfizer dhe BioNTech ishte 90 për qind efektive, sipas analizës paraprake.
“Unë i përgëzoj gratë dhe burrat e shkëlqyer që ndihmuan në krijimin e këtij përparimi dhe për të na dhënë një arsye për shpresë”, shkruan në deklaratën e demokratit.
Gjithashtu pohoi se kjo nuk do të thotë se i ka ardhur fundi pandemisë pasi jemi edhe disa muaj larg saj.
“Në të njëjtën kohë, është gjithashtu e rëndësishme të kuptohet se fundi i betejës kundër COVID-19 është akoma me muaj larg,” shtoi ai.
Biden, ndërkohë, theksoi rëndësinë e vazhdueshme të vesndosjes së maskave në fytyrë, distancës sociale dhe zbatimin e masave të tjera.
Ndryshe, Biden tashmë ka krijuar task forcën për luftimin e pandemisë, ku përfshihen shkencëtarë dhje mjek, por në këtë listë nuk gjendet, Anthony Fauci, infektologu kryesor i SHBA-së. /Telegrafi/