Suedia u bë sot anëtarja e 32-të e aleancës ushtarake më të madhe në botë, NATO-s. Suedezët kanë ndryshuar qëndrimin e tyre historik të neutralit pas pushtimit rus të Ukrainës.
Presidenti amerikan, Joe Biden ka mirëpritur në Shtëpinë e Bardhë kryeministrin suedez, Ulf Kristersson.
“Sot, kam nderin të mirëpres Suedinë si Aleatin e 32-të të NATO-s. 75 vjet më parë, kur u krijua NATO, presidenti Truman tha se Aleanca “do të krijonte një mburojë kundër agresionit dhe frikës nga agresioni”. Kjo mburojë – dhe siguria transatlantike – është më e fortë se kurrë”, ka shkruar Biden në platformën X.
Ndryshe, një ceremoni e ngritjes së flamurit është planifikuar në selinë e aleancës në Bruksel të hënën për të shënuar ceremonialisht pranimin.
Kujtojmë se fqinja e Suedisë, Finlanda iu bashkua aleancës më 4 prill. Me dy vendet nordike në aleancë, NATO kontrollon pothuajse të gjithë Detin Baltik – një goditje strategjike për Rusinë.
Suedia ka gjithashtu një ushtri të pajisur mirë dhe një industri të fortë armësh. Vendi synon të shpenzojë 2.1 për qind të GJDP-së për mbrojtjen këtë vit, mbi objektivin e NATO-s dhe pothuajse dyfishin e asaj që shpenzonte deri në vitin 2020. /Telegrafi/
Today, I am honored to welcome Sweden as NATO’s 32nd Ally.
75 years ago when NATO was established, President Truman said the Alliance, “would create a shield against aggression and fear of aggression.”
That shield – and transatlantic security – is stronger than ever. pic.twitter.com/0ySHg8dvQy
— President Biden (@POTUS) March 7, 2024