Presidenti i SHBA-së, Joe Biden njoftoi zyrtarisht vendimin për tërheqjen e forcave amerikane nga Afganistani deri më 11 shtator.
Simbolikisht, ajo datë do të jetë 20 vjetori i sulmit terrorist në New York. Tërheqja e ushtrisë do të fillojë më 1 maj. Ai vuri në dukje se kjo do t’i jepte fund “luftës më të gjatë amerikane”.
Duke iu drejtuar kombit nga dhoma e Shtëpisë së Bardhë të Roosevelt, Biden tha se pas sulmeve në vitin 2001, “forcat amerikane shkuan në Afganistan për t’u marrë me al-Qaidan”.
“Ne e shoqëruam Osama bin Laden në portat e ferrit dhe e bëmë”, tha duke shtuar se “është koha për t’i dhënë fund kësaj lufte të përjetshme”.
Biden paralajmëroi se nëse dikush sulmonte forcat amerikane gjatë tërheqjes, ushtria do të përgjigjej. Ai pohoi, duke përmendur djalin e tij, sesa e rëndësishme është t’i shërbesh vendit.
“Në 12 vitet e fundit, unë kam bartur shënime sesa amerikanë u vranë në Afganistan. 2,488 anëtarë të trupave amerikane u vranë dhe më shumë se 20 mijë u plagosën”, tha Biden.
Kujtojmë, djali i madh i Biden, Beau Biden, mori pjesë në pushtimin amerikan të Irakut si anëtar i Gardës Kombëtare.
Shtetet e Bashkuara dhe aleatët e saj sulmuan Afganistanin në tetor të 2001 si hakmarrje për sulmin e al-Qaidës mbi Shtetet e Bashkuara, i cili ishte planifikuar në shtetin afgan nën kontrollin e Talibanëve. /Telegrafi/
