Organizatorët e ceremonisë përkujtimore të basketbollistit Kobe Bryant dhe vajzës së tij Gianna, i ndaluan fotografët që t’i bënin fotografi divës botërore, Beyonce.
The Associated Press dhe Getty Images thanë se fotografët e tyre nuk u lejuan t’i bënin fotografi fitueses së ‘Grammy’ apo fëmijëve të Bryant në memorialin e mbajtur në Los Angeles.
Mijëra njerëz u mblodhën në Staples Center për të nderuar yllin e NBA-së dhe vajzën e tij 13-vjeçare, Gianna që humbën jetë tragjikisht në një aksident me helikopter më 26 janar.
https://twitter.com/i/status/1232013672395857922
Beyonce Knowles nisi eventin për Kobe dhe Giannan duke interpretuar këngën e preferuar të Kobe “XO” dhe më pas “HALO”.
“Ishte kaq fyese për familjen e Kobe dhe fansat, Beyonce po kontrollon aq shumë imazhin e saj. Zakonisht lejon të publikohen vetëm imazhe të përzgjedhura nga ajo, kështu që asnjë fotografi nuk u lejua ti bëhej asaj në memorialin e Kobe”, tha një burim.
“As familja e Michael Jackson nuk e bëri këtë. Një personel i Staples Center u vendos në skenë për të mos lejuar asnjë kamera të vetme. Fotografët nuk mund ta besojnë këtë. Kjo nuk e ndihmon imazhin e Beyonce, vetëm e dëmton atë. E bën të duket si Diva”.
Burimi shtoi se të vetmet fotografi të kapura të këngëtares ishin nga pamjet e televizionit.
Legjenda e basketbollit përndryshe ndërroi jetë në moshën 41-vjeçare, derisa po udhëtonte me helikopter së bashku me vajzën e tij 13-vjeçare dhe shtatë njerëz të tjerë për një ndeshje basketbolli në fillim të këtij viti. /Telegrafi/