Beyonce Knowles dhe Jay Z kanë pritur në jetë binjakë – bën të ditur CNN.
Diva e muzikës pop dhe moguli i repit, të cilët u martuan në vitin 2008, janë po ashtu prindër të vajzës pesëvjeçare, Blue Ivy.
Lajmin për shtatzëninë, këngëtarja e kishte bërë të ditur në muajin shkurt përmes një postimi në Instagram, kur njoftoi se priste binjakë.
Ndërsa qe disa ditë janë duke qarkulluar thashethemet se ajo i ka sjellë në jetë fëmijët.
Sipas njoftimeve, binjakët janë një vajzë dhe një djalë dhe kanë lindur më 12 qershor.
Sidoqoftë, burime të CNN kanë konfirmuar të dielën për ardhjen në jetë të binjakëve. Ndërkaq, pritet edhe konfirmimi zyrtar i çiftit të famshëm. /Telegrafi/