Carters po dhurojnë dashuri në pesë kolegje dhe universitete historikisht për njerëz me ngjyrë (HBCU).
Pas fillimit të fushatës së tyre “Për dashurinë” , është njoftuar se Beyonce dhe Jay-Z kanë partnerizuar me Tiffany & Co për programin e Bursave të Dashurisë përmes BeyGOOD dhe Fondacionit Shawn Carter, shkruan CNN.
Tiffany & Co ka premtuar dy milionë dollarë për financim bursash për studentët në artet dhe fushat krijuese në shkollat e vogla private dhe të zgjedhura si: Universiteti Lincoln në Pensilvani, Universiteti Shtetëror Norfolk në Virxhinia, Kolegji Bennett në Karolinën e Veriut, Universiteti i Arkansas në Pine Bluff dhe Universiteti Shtetëror në Ohio.
“Ne do të donim të falënderonim Fondacionin Shawn Carter, BeyGOOD, Carters dhe familjen Tiffany & Co për përfshirjen e Universitetit Lincoln në këtë dhuratë të mahnitshme”, tha në një deklaratë, Brenda A. Allen, presidente e Universitetit Lincoln.
“Lincoln ka vendosur një përparësi të lartë në mbështetjen e arteve dhe shkencave humane në kampusin tonë. Sigurimi i mbështetjes financiare për studentët që ndjekin këto drejtime rrit aftësinë e tyre për t’u angazhuar plotësisht në studimet e tyre.”
Çifti i martuar ka një histori të mbështetjes së HBCU -ve.
Beyonce edhe më parë ka dhënë bursa përmes fondacionit të saj BeyGOOD dhe performancës së saj në Coachella në vitin 2018 (e cila u përjetësua në dokumentarin e saj në Netflix “Homecoming”).
Jay-Z gjithashtu ka ndihmuar studentët duke përfshirë organizimin e një turneu me autobus për HBCU në 2019. /Telegrafi/