Armiqësia tregtare mes Shteteve të Bashkuara të Amerikës (SHBA) dhe Kinës po bëhet gjithnjë e më e theksuar. Shtëpia e Bardhë kritikoi Pekinin pasi ky i fundit njoftoi tarifa deri 25 për qind, ndaj 128 produkteve amerikane, si kundërpërgjigje ndaj vendimit të Donald Trump për të tarifuar importet e çelikut dhe aluminit.
Zhvillimet e fundit e reflektuan menjëherë ndikimit në tregjet elektronike. Në bursat e Wall Street pati një rënie prej 2.2 dhe 1.9 për qind nw burswn Down Jones, ndërsa të martën Indeksi Nikkei 225 në Japoni u hap me një vlerë 1.5 për qind më të ulët.
Tensionet me dy fuqive botërore u rritën ndjeshëm në 8 mars kur presidenti amerikan njoftoi tarifa deri në 25 për qind ndaj importeve të çelikut dhe aluminit.
Masat sipas tij ishin të nevojshme për të mbrojtur prodhuesit amerikane dhe tepër të rëndësishme për sigurinë kombëtare. Kina sulmoi Uashingtonin për shfrytëzimin e sigurisë kombëtare si justifikim për tarifat dhe njoftoi një hap të ngjashëm ndaj produkteve amerikane me vlere prej 3 miliardë dollarësh.
Konflikti premton të marrë përmasa edhe më të mëdha, me Shtëpinë e Bardhë që po planifikon tarifa shtesë ndaj importeve kineze me vlerë prej 60 miliardë dollarshe, në shenje hakmarrje për vjedhje të pronës intelektuale. /Telegrafi/