Ashtu siç kishte paralajmëruar, vokalisti i grupit Nrg Band, Besnik Qaka, ditën e sotme (e diel) lansoi projektin e ri muzikor.
Ai ka realizuar remiksin e këngës ‘Relacion’, të interpretuar nga Rosalia, Sech, Daddy Yanke, J Balvin dhe Farruko.
Qaka ka sjell këtë në gjuhën shqipe, derisa për tekstin është përkujdesur Nurteel dhe Ghulo.
Ndërkohë, projekti vjen i shoqëruar me një video të veçantë dhe si protagoniste në klip është balerina Aulonë Nuhiu.
Videoja atraktive i është besuar produksionit të njohur, “BUG Production”.
Besniku merr vëmendje të madhe me vokalin e tij dhe ky interpretim i mahnitshëm ka arritur të pëlqehet edhe nga fansat e publiku.
Besniku po vazhdon të jetë pjesë e Nrg BAND, të cilët gjithashtu janë mjaft aktiv me projekte muzikore. /Telegrafi/