Solisti i grupit NRG Band është shumë i pëlqyer për muzikën e tij dhe mënyrën e të kënduarit ‘live’.
Përveç të koncerteve të shumta, ai është mjaft i angazhuar edhe në dasma e ahengje të ndryshme muzikore.
Për të gjithë ata që nuk e dinë, Besniku ka kënduar edhe në një pjesë të madhe dasmash të kolegëve të tij.
Ai ishte i përzgjedhuri i Getoar Selimit dhe Marina Vjollcës në dasmën e tyre, e cila u organizua në shtator të vitit 2017.
Ndërkohë, Leonora Jakupi gjithashtu ka kërkuar që kolegu i saj nga NRG Band, të jetë interpretues në dasmën e motrës së saj.
E edhe këngëtarja Remzie Osman, së fundmi bëri të njëjtën gjë, duke ftuar Besnik Qakën të këndojë në dasmën e shumë komentuar të djalit të saj.
Ndërkohë, vet Besniku ka publikuar së fundmi një video në rrjetin social Instagram, ku shfaqet duke kënduar në dasmën e koleges së saj, ndërsa argëton në masë të madhe publikun. /Telegrafi/