Këngëtari i njohur, Besnik Qaka, njihet për eksperimentet që bën me projektet muzikore.
Ai për vite të tëra ka qenë aktiv me prurjet muzikore, të cilat janë dëgjuar nga mbështetësit e tij.
Ndërkohë, në një postim të fundit në rrjetin social Instagram, ai ka bërë të ditur se është duke punuar në këngën e re.
Qaka ka zgjedhur që të publikojë një video nga studio, ndërsa shihet se prodhimtaria muzikore veçse është kompletuar.
Për të befasuar fansat, në prapavijë dëgjoheshin sekuenca të këngës, për të cilën nuk dihet ende se kur do të publikohet.
“Ata sy” është hiti i tij i fundit, që rezultoi i suksesshëm në platformat digjitale. /Telegrafi/
