Big Brother VIP Kosova 2 ka bërë një njoftim të veçantë: dy ish-banorët, Besi dhe Miss Rose, do të rikthehen në shtëpinë e BBVK për një periudhë 24 orëshe.
Sipas njoftimeve të fundit nga Klankosova, edhe pse Besi dhe Miss Rose janë eliminuar më parë nga gara, ata do të kenë mundësinë të përjetojnë sërish atmosferën e shtëpisë së BBVK, por kësaj here në rolin e mysafirëve dhe jo si konkurrentë.
Katër finalistët, Edona, Blerando, Lumbardhi dhe Shqipja, të cilët kanë arritur të qëndrojnë në shtëpi pas një sërë sfidash dhe eliminimesh, tashmë pritet të ndajnë hapësirën e tyre me dy banorët e mëparshëm.
Prania e Besit dhe Miss Rose për një kohë kaq të shkurtë do të jetë si një erë e freskët për finalistët, të cilët mund të kenë nevojë për ndryshim dhe për një shtytje morale para finales së madhe.
E gjithë kjo ndodh në pritje të finales së madhe të Big Brother VIP Kosova 2, ku do të shpallet fituesi i këtij edicioni. /Telegrafi/
