Besart Berisha nuk di të ndalet duke shënuar gola me fanellën e Melbourne Victory.
Ylli kosovar që ditë më parë pranoi haptazi se do ta veshë fanellën e Kosovës në mars, shënoi një gol të bukur për ekipin e tij.
Melbourne Victory ishte nikoqir i Adelaide United dhe shënoi fitore të ngushtë me rezultat 2-1.
Rojas e hapi serinë e golave, mirëpo në minutën e 82-të australiani asistoi bukur te Berisha i cili goditi me të jashtmen dhe mposhti për 2-0 portierin mysafir.
Goli ndaj Adelaide United, ishte i 17-ti këtë edicion për Berishën i cili kryeson listën e golashënuesve në Australi.
Pas kësaj fitore, Melbourne vazhdon të mbetet në pozitën e dytë me 42 pikë të grumbulluara, tetë më pak se lideri Sydney. /Telegrafi/
