Silvio Berlusconi ka kritikuar trajnerin Vincenzo Montella për taktikat që po përcjell te skuadra e Milanit.
Presidenti i Milanit ishte në tribuna për të shikuar ‘Derby della Madonninan’, ku është ndarë i kënaqur me rezultatin edhe pse shpresonte diçka më shumë, por ajo që po i pengon tash e sa kohë është vendosja taktike e trajnerit italian.
“Derbi përfundoi me një rezultat të drejtë. Ishte shumë e keqe kjo pasi u arrit në minutën e fundit, sepse ne shpresuam që të jemi vetë në vendin e dytë në renditje. Ne qëndrojmë së bashku me Romën. Ne nuk luajtëm një lojë të keqe”, ka thënë Berlusconi për Sportmediaset.
“Përshëndeti [Montellan] për vendin e dytë, por ne kemi disa dallime në mendime mbi taktikat”, përcjell Telegrafi.
“Jam i bindur se modeli i Milanit që na ka çuar neve të jemi ekipi më i suksesshëm në botë për 30 vjet është një me një mesfushor sulmues dhe dy sulmues”.
“Unë insistoj për Montellan se kjo është rruga për të ecur përpara, në vend të vendosjes në rolin me dy futbollistë krahu”, përfundoi presidenti i Milanit. /Telegrafi/