Etrit Berisha ka folur për të ardhmen e tij, ku nuk e ka përjashtuar mundësinë e largimit nga Lazio gjatë këtij afati kalimtar.
Portieri i Kombëtares së Shqipërisë, Etrit Berisha, ka deklaruar se po shikon mundësinë e largimit nga skuadra e Lazios nëse nuk do të jetë titullar.
Në një intervistë për mediumet italiane gardiani i portës së kombëtares ka thënë se më nuk e pranon rolin e rezervistit, pasi dëshiron të luajë vazhdimisht.
“Në edicionin e fundit nuk pata hapësirë të mjaftueshme te Lazio dhe asnjë lojtar nuk e dëshiron rolin e rezervistit. Unë do të flas me krerët e klubit dhe trajnerin e ri për ta kuptuar projektin që e ka”, deklaroi Berisha.
“Në Romë ndihem mirë, por nuk dua të qëndroj edhe një vit në bankën rezervë. Largimi është opsioni më i mirë në këtë rast”, ka përfunduar portier i kombëtares. /Telegrafi/